首页 -> 竞彩足球

自从高价转投摩纳哥后,有传「老虎」法卡奥嫌弃球队冇得踢欧联

来源: 时间:2014-01-22 16:15:23

法达斯维:摩纳哥虎咬蒙军

法卡奥转会唔成搏老命

今晚法甲歇冬后重开上演好戏码,由「暴发户」摩纳哥作客对蒙彼利埃,备受转会传闻困扰嘅摩纳哥射手法卡奥,上周复出即用入波以表忠诚,加上对手蒙彼利埃愈踢愈沉,仲唔畀饿波已久嘅「老虎」咬到屁股开花咩?客W乃不二之选。

(TVB 301周六凌晨3时30分直播)

自从高价转投摩纳哥后,有传「老虎」法卡奥嫌弃球队冇得踢欧联,歇冬前更诈伤唔操练博走人,搞到犯众憎。冬季转会窗已经重开咗,但想斟佢过档嘅「潜在买家」皇马及车路士冇晒声气,法卡奥眼见势色唔对即转軚,喺训练嗰阵搏晒老命,脚脚七注。上周法足盃摩纳哥作客3比2险胜低组别球队瓦纳,整体表现令人失望,不过「老虎」开波冇耐即建功,非常抢缰,希望用实际行动凼番教头云尼亚里,以呢位哥伦比亚国脚嘅级数,只要正常发挥,喺法甲绝对可以打横行。

蒙彼利埃愈踢愈沉

其实摩纳哥一班90后如占士洛迪古斯、安东尼马迪尔、利维亚尼及恩历克卡拉斯高,近排都轮流发威,正係呢班新仔咁鬼积极,激发起法卡奥嘅斗心。相反前季联赛盟主蒙彼利埃今非昔比,虽然上周盃赛顺利晋级,但对手只係丁组仔罗德兹,不足为据,睇番佢哋之前十场联赛未尝一胜,入得四球咁大把,连还手之力都冇,真係见到都唔开胃,加上近年主场出击都畀摩纳哥食住,今仗点顶「勐虎出柙」嘅法卡奥?摩军嘅客W有1.72倍咪嫌少。

标签:老虎