首页 -> 竞彩足球

西甲榜首嘅巴塞隆拿作客硬撼利云特

来源: 时间:2014-02-05 21:40:21

尼马拗柴进攻头云

今晚西甲榜首嘅巴塞隆拿作客硬撼利云特,虽然巴塞王牌美斯伤愈后逐渐上力,可惜好拍档尼马喺上周中盃赛严重扭伤,要抖三至四周,遇啱利云特前线亦唔齐脚,今仗会更加专注防守,随时搞到巴塞老鼠拉龟冇碇埋手,初段唔慌多波入,半场细不容错过。

(now 632周一凌晨2时直播)

上周中西班牙盃16强次回合巴塞靠美斯梅开二度,作客轻取基达菲两粒,证明呢位球王状态复甦,不过其拍档尼马右脚足踝严伤扭伤,官方宣布佢要抖三至四周,加上出击力强嘅右闸丹尼尔要坐波监,冇咗两位巴西球星压阵,点都对攻力有影响。

利云特一向係猪头骨,近两仗赢晒兼一球不失,包括刚于西班牙盃击败华历简奴晋级,士气大振。不过连续两仗一箭定江山嘅前锋巴华,因储够五张黄牌,今仗需要停赛,另一前锋巴巴迪亚华拉亦上阵成疑,连两个进攻支点都冇埋,主帅卡柏路斯势必屯重兵于中后场,叠埋心水叫班手下做好防务。

利云特主场硬淨

睇番「小蝙蝠」今季9仗主场联赛只失9粒,踢法硬淨到晕,只要佢哋立心死守,等閒球队好难攻破其城池,强如皇马作客利云特上半场都係互交白卷,更何况攻力受削嘅巴塞呢?利云特初段好气好力做防守,「地上最强」未必咬得入佢哋,半场细有1.85倍咪嫌少。