首页 -> 竞彩足球

西甲「二哥」马德里体育会明晨会喺主场扑击西维尔

来源: 时间:2014-02-01 11:37:08

西甲「二哥」马德里体育会明晨会喺主场扑击西维尔,马体会上周喺榜首大战虽然未能藉地利砌低巴塞,不过各得1分都唔係坏事,今晚佢哋主场迎战攻强守弱嘅西维尔,务求全取3分态度一定积极,1.77倍「让球主胜」绝对信得过。

(now632台周一凌晨4:00直播)

西维尔防线遇强即漏水

马体会今季火力强劲,迪亚高哥斯达同大衞韦拿固然係前线取分之匙。中场有好波之人阿达杜伦穿针引线,加埋一对中场孖宝鲁尔加西亚同年仅22岁嘅佐治高基不时担当后上杀手,两人已合共贡献咗10个联赛入球,咁勐火唔愁冇波入。而且呢班波喺联赛对住巴塞、皇马都可以保持零失球,防线之硬淨亦有保证,有强劲后盾,中前场进攻自然更加得心应手啦!

对手西维尔踢法攻强守弱,前锋卡路士巴卡近3仗入两球状态唔错,中场亦有加美路同拿杰迪锡等好手,锋力确係见得吓人,不过佢哋条豆腐防线对住巴塞、皇马加埋失咗10球,一遇强队即刻漏水,佢哋首循环喺主场对马体会都输1:3,今晚作客随时输得仲大镬。