首页 -> 竞彩足球

未畀波前先同大家讲声Sorry

来源: 时间:2014-02-01 11:35:14

未畀波前先同大家讲声Sorry,上周大力推介卡迪夫城上盘,点知主场输两粒畀韦斯咸,小弟擂台5,000分泡汤,足智彩户口亦唔见咗一笔,不过,其实卡城上仗踢得唔差,末段仲住韦斯咸嚟砌,中前场有啲睇头,今日佢哋作客曼城,老实讲要赢波真係唔易,但入番粒攞个安慰奖应该唔难,配合曼城超强火力,今场玩大啱数。

曼城嘅火力只可以用「黐线」嚟形容,前锋个个上晒力,尼格度、迪斯高入波未停过,仲有阿根廷前锋阿古路周中亦喺英格兰足总盃复出帮手数胡,今季各项赛事已经累积入咗99粒,哎,仲讲漏咗中场嘅耶耶托尼同大衞施华,曼城真係周围都係炮台,随时可以发炮,今场几可肯定可以破百球大关。

生牯仔伊克林有卡士

曼城球场劲,喺曼联出身嘅卡迪夫城领队苏斯克查点会唔知,今场不论为卡城,抑或帮曼联都好,梗係要抢分啦,但真係有啲螳臂挡车,不过苏B喺莫迪签番嚟嘅伊克林确係有啲卡士,呢类生牯仔最锺意喺名牌面前表演自己,今仗随时有惊喜表演,帮卡城入番一粒,足智彩调高大细中位数到3.5球后,个大盘赔率都唔够2倍,就知操盘手都睇好今场开大,千祈唔好等开波前先买,赔率会更低,早买早着数呀!

now 622直播